Vilborg ræðir hinstu daga eiginmannsins

„Það hjálpar mér að lesa mína eigin pistla en mér finnst engu að síður súrrealískt að lesa þá. Stundum finnst mér eins og einhver annar hafi skrifað þetta," þetta segir Vilborg Davíðsdóttir, rithöfundur, í viðtali við Ásgeir Erlendsson í Ísland í dag í kvöld strax að loknum fréttum.

Vilborg hefur vakið mikla athygli fyrir opinskáar bloggfærslur um baráttu eiginmanns hennar, Björgvins Ingimarssonar, við illvígt krabbamein í heila. Vilborg hefur í bloggfærslum sínum skrifað um hinstu daga Björgvins og lagt áherslu á mikilvægi þess að fólk ræði um dauðann. Sjúkdómur Björgvins hefur ágerst hratt á síðustu dögum og um helgina var Björgvin fluttur á líknardeildina í Kópavogi. Hún segir mikilvægt að börnin séu þátttakendur í þessu ferli og segir að allir séu duglegir að minna sig á að hlúa að sjálfri sér í þessari erfiðu baráttu.

Viðtalið við Vilborgu má sjá í Íslandi í dag í kvöld klukkan 18:54.