Of feitar til að stunda kynlíf

Rúmlega helmingur kvenna finnst þær svo feitar að þær forðast kynlíf með maka samkvæmt nýrri könnun eins og segir á vefnum Siggalund.is.

52 prósent svarenda sögðust hafa minna sjálfstraust vegna vaxtarlagsins og því ekki mikill vilji fyrir því að stunda kynlíf með maka. Fleiri konur kenndu þó þreytu um að þær vildu ekki sofa hjá maka sínum.

Með óraunverulegar væntingar

Breskir sérfræðingar segja könnunina sýna að konur séu með óraunverulegar væntingar varðandi vaxtalag sitt og að þær séu úrvinda vegna annríkis. Könnunin nefnist Sex in The Nation og var leitað svara hjá fjögur þúsund einstaklingum í Bretlandi. Nítján prósent karlmanna sögðust ekki vilja sofa hjá maka sínum því þeim fannst þeir vera of feitir. Helsta ástæðan fyrir því að Bretar vilja þó ekki stunda kynlíf er þreyta. 72 prósent kvenna sögðu það vera helstu ástæðuna. Þær sögðu einnig veikindi og streitu verða þess valdandi að þær vildu ekki stunda kynlíf með maka.

13% vilja stunda kynlíf með ljósin slökkt

Kynfræðingurinn Catherine Hood, sem kennir við Oxford University, segir margar konur eiga erfitt með að standast væntingar sínar til líkamlegast atgervis, sem eru í flestum tilfellum ekki raunverulegar. Þrettán prósent kvenna sem svöruðu könnuninni sögðust vilja stunda kynlíf með ljósin slökkt því þær vildu ekki leyfa maka sínum að sjá sig nakta. Ein af hverjum tíu sögðust vilja vera ævintýragjarnari í rúminu en héldu sig við hefðbundnar kynlífsvenjur því þær skömmuðust sín fyrir vaxtarlag sitt.

Þá sögðust bæði konur og karlar í samböndum hafa litla kynhvöt og sögðust sex prósent kvenna stunda kynlíf með maka sínum af skyldurækni.

Sjá meira Siggalund.is.