Skráning hefst senn

Skráning í Músíktilraunir 2013 hefst á mánudag og lýkur 3. mars. Ungmenni á aldrinum 13 til 25 ára geta sótt um þátttöku með því að senda inn umsókn á Musiktilraunir.is og greiða 7.000 króna þátttökugjald.

Fjögur undanúrslitakvöld fara fram þar sem um fjörutíu hljómsveitir keppa að því takmarki að komast áfram á úrslitakvöldið. Um tíu til tólf hljómsveitir fara venjulega í úrslit og hljóta fyrstu þrjár sveitirnar verðlaun af ýmsum toga. Einnig eru bestu hljóðfæraleikararnir valdir sem og vinsælasta hljómsveitin meðal áhorfenda.