Framkvæmdastjórnin vill ekki landsfund í vor

Framkvæmdastjórn Samfylkingarinnar mælir ekki með því landsfundur flokksins verði í vor. Á flokkstjórnarfndi þann 30. desember síðastliðinn var lögð fram tillaga um að flýta landsfundi og fjallaði framkvæmdastjórnin um hana í kvöld.

Það var Andrés Jónsson ásamt nokkrum öðrum sem lögðu fram tillöguna. Framkvæmdastjórnin ákvað í kvöld að boða til flokkstjórnarfundar þann 28. janúar næstkomandi þar sem nánar verður fjallað um tillöguna.

„Í ljósi þess að ítarlega undirbúinn og málefnalega kröftugur landsfundur Samfylkingarinnar er nýafstaðinn, þeirra sjónarmiða sem hér hafa verið reifuð og með hliðsjón af þeim mikilvægu verkefnum sem bíða flokksins á árinu 2012 - og síðast en ekki síst vegna þess að markmið næsta landsfundar er að hann nýtist sem best til undirbúnings í aðdraganda kosninga vorið 2013, er ekki mælt með því að fyrirliggjandi tillaga um að halda landsfund vorið 2012 verði samþykkt á flokksstjórnarfundinum

28. janúar nk.," segir í greinagerð formanns framkvæmdastjórnarinnar.

Nánar er hægt að lesa um málið á heimasíðu Samfylkingarinnar.