Heimilisofbeldi í Hafnarfirði

Karlmaður var handtekinn um ellefuleytið í gærkvöldi vegna heimilisofbeldis í Hafnarfirði. Um tvöleytið í nótt var tilkynnt um minniháttar líkamsárás við Dómkirkjuna í Reykjavík, árásarmaðurinn er ókunnur og er hans nú leitað. Ökumaður missti stjórn á bíl sínum við akstur og velti á Sæbrautinni um hálfþrjú í nótt. Hann sakaði ekki en var handtekinn eftir slysið grunaður um ölvun við akstur. Tveir voru handteknir um hálffimmleytið í Árbænum vegna minniháttar skemmdarverka en við leit fundust á þeim fíkniefni.