Einvígis minnst í Laugardalshöll

Sérstök hátíðardagskrá í tilefni þess að nú eru fjörutíu ár frá heimsmeistaraeinvígi Boris Spassky og Bobby Fischers árið 1972 verður kynnt í borgarráði á morgun.

Halda á málþing og fjölmennt barnaskákmót og efna til sérstakrar afmælisdagskrár og sýningarhalds í samvinnu Reykjavíkurborgar og tafl- og skákfélaga. Borgarráð hefur þegar samþykkt að verja 1.270 þúsund krónum í verkefnið.

Fischer lést í Reykjavík í janúar 2008. Spassky er heilsuveill og mun halda til í Rússlandi um þessar mundir. Hann er 75 ára. - gar