Fögnuðu Jólabjórnum af innlifun

Í ár var engin undantekning á J-deginum, fyrir utan ofsaveður sem geisaði á höfuðborgarsvæðinu allan daginn. Minnstu munaði að þurft hefði að blása viðburðinn af, en starfsfólk Ölgerðarinnar lét sér ekki segjast og mætti til göngu ásamt 350 öðrum. Það er eins og veðurguðunum hafi líkað uppátækið einstaklega vel enda var gert hlé á óveðri milli klukkan 19 og miðnættis. Það var blankalogn þegar að lúðrasveitin gekk á undan Ölgerðarstarfsfólkinu niður Laugaveginn og ekki sást annað á fólki en að gleðin skini úr augum þeirra.

J-dagurinn er fyrsta föstudag í nóvember og tímasetningin ávallt klukkan 20:59. Það kemur til vegna þess að þegar bjórinn kom fyrst á markað í Danmörku 1981 varð seinkun á framleiðslunni. Þegar loksins bjórinn kom á barina klukkan 20:59 þá féll fyrsti jólasnjórinn og þaðan kemur orðatiltækið "Snjórinn fellur“ en þetta er allt tengt Tuborg jólabjórnum.