Kjarnorkuvopn verða um borð

Þýsk stjórnvöld hafa frá upphafi vitað að Ísraelar myndu setja kjarnorkuvopn í kafbáta sem framleiddir eru í Þýskalandi og að stærstum hluta greiddir af þýskum stjórnvöldum.

Þetta er fullyrt í þýska tímaritinu Der Spiegel, sem vitnar bæði í þýska og ísraelska heimildarmenn.

Þetta stangast á við fyrri yfirlýsingar þýskra stjórnvalda, sem hafa ítrekað fullyrt að Ísraelar ætli ekki að setja kjarnorkuvopn í bátana. Ríkisstjórn Angelu Merkel sætir nú gagnrýni vegna málsins.- gb