Fjölmörg umferðaróhöpp vegna hálku en engin alvarleg slys

Þrátt fyrir fjölmörg umferðaróhöpp á höfuðborgarsvæðinu og víðar á Suðvesturlandi í gærkvöldi og fram á nótt, sem rakin eru til mikillar hálku, slasaðist engin alvarlega.

Töluvert eignatjón varð í mörgum tilvikum á höfuðborgarsvæðinu, þrír bílar lentu í árekstri á Hellisheiði og um tíma í gærkvöldi fóru björgunarsveitarmenn á heiðina til aðstoðar.

Bíll fór út af í Þrengslunum, tvennt var flutt til aðhlynningar á heilsugæslustöð eftir að flutningabíll lenti aftan á fólksbíl í Borgarfirði og ökumenn lentu í erfiðleikum á Holtavörðuheiði í gærkvöaldi áður en leiðinni var lokað vegna ófærðar.

Enn er mikil hálka á Suðvestur- og Vesturlandi og gengur á með dimmum éljum.