Vilhjálmur Egils: Öryggi starfsmanna hefur stóraukist

„Þessi atburður verður örugglega til þess að menn fara að hugsa mjög stíft um þessi mál," segir Vilhjálmur Egilsson, framkvæmdastjóri Samtaka atvinnulífsins, aðspurður hvort að hnífstunguárásin á lögmannsstofu í Lágmúla á mánudaginn hafi orðið til þess að öryggismál fyrirtækja hafi aukist.

Vilhjálmur segir að reyndar sé það svo að öryggi starfsmanna á vinnustöðum hafi aukist sem betur fer mjög mikið. „Í mörgum fyrirtækjum er það hluti af gæðakerfi og öryggiskerfi. Menn fara ekkert inn á ákveðna vinnustaði nema hafa til þess heimild. Eins og í öllum matvælaiðnaðinum er komin aðgangsstýring, í stjórnarráðinu og víða þar sem menn eru að endurskipuleggja húsnæði sitt. Menn reyna að koma sér þannig fyrir að hver sem er getur ekki komið inn á þeirra svæði."

Hægt er að hlusta á viðtal við Vilhjálm í Reykjavík síðdegis í meðfylgjandi hljóðbroti.