Frábær þátttaka í ljósmyndaleik Vísis og Wow

Ljósmyndakeppni Vísis og WOW air fór af stað með látum um síðustu helgi. Á örfáum dögum hafa borist mörg hunduð myndir í keppnisflokkana þrjá og eins og sjá má á heimasíðu keppninnar hér á Vísi, visir.is/wow, eru margar þeirra líklegar til að ná langt.

Keppnin skiptist upp í þrjá flokka og eru verðlaunin í þeim öllum flug fyrir tvo á einhvern af áfangastöðum WOW air. Flokkarnir heita WOW náttúra, WOW fólk og WOW húmor. Þær tíu myndir sem fá flest „Like“ fara í úrslit þar sem dómnefnd frá Vísi og WOW air velur sigurmynd hvers flokks.

„Við viljum fá myndir sem tengjast sumrinu og ferðalögum, innanlands og í Evrópu. Myndirnar verða metnar út frá gæðum og „WOW-áhrifum“. Við leitum að myndum sem fá fólk til að segja „WOW",“ segir í lýsingu keppninnar.

Við hvetjum fólk til að grafa upp skemmtilegar myndir og senda inn hér. Einnig að renna yfir þær myndir sem komnar eru í keppnina og gefa þeim myndum „Like“ sem bestar eru á heimasíðu keppninnar, visir.is/wow.