Landsbjörg fékk hvatningarverðlaun LÍÚ

LÍÚ afhenti slysavarnarfélaginu Landsbjörgu í dag hvatningarverðlaun LÍÚ. Verðlaunin eru í formi styrkjar að upphæð þriggja milljóna króna sem notaðar verða til reksturs og viðhalds björgunarskipa félagsins.

Slysavarnarfélagið Landsbjörg starfrækir 15 björgunarskip hringinn í kringum landið. Skipin eru veigamikill þáttur í starfsemi félagsins en árlega sinnir Landsbjörg um 100 neyðartilvikum á hafi úti.

Það var Adolf Guðmundsson, formaður, sem afhenti verðlaunin Guðmundi Erni Jóhannssyni, framkvæmdastjóra Landsbjargar á aðalfundi LÍÚ í dag.