Baldur fær enga sérmeðferð

Fangelsismálastjóri segir Baldur Guðlaugsson ekki fá neina sérmeðferð. Að jafnaði óska um tíu prósent þeirra sem fá óskilorðsbundna dóma, eftir að fá að afplána dóm sinn sem allra fyrst.

Það hefur vakið nokkra athygli að Baldur Guðlaugsson, fyrrverandi ráðuneytisstjóri í fjármálaráðuneytinu, er byrjaður að afplána tveggja ára fangelsisdóm sem hann hlaut í Hæstarétti í febrúar, á meðan um þrjú hundruð manns eru á bið eftir því að afplána dóm sinn.

„Við höfum verklagsreglur og lög til að vinna eftir. meðal annars felst í þeim að þeir sem eru með tveggja ára fangelsisdóm eða lengri þeir eru í forgangshópi svo erum við með lög í landinu sem við vinnum eftir þar sem sérstaklega kemur fram að ef dómþoli óskar eftir því að hefja afplánun strax, þá ger okkur að verða við því þegar mögulegt er," segir Páll Winkel, forstjóri Fangelsismálastofnunar.

hvernig gengur ykkur að verða við þessu? „Það er allur gangur á því. það var síðast maður í dag sem kom hingað til okkar , hann kemst ekki inn fyrr en eftir tvær vikur, en við gerum okkar besta."

Þá segir Páll að upptaka rafræns eftirlits nýverið hafi leitt til þess að fleiri pláss hafa losnað.

Þegar litið er á hlutfall þeirra sem sjálfir óska eftir að hefja afplánun kemur í ljós að af þeim tæplega fjögurhundruð og fimmtíu sem fengu óskilorðsbundna dóma árið 2009, lögðu 56 þeirra fram beiðni, sama dag og dómur féll, um að fá að afplána dóm sem fyrst. Þegar fjörutíu dagar höfðuð liðið frá dómi höfðu 22 bæst við.

Hlutföllin voru svipuð árið 2010, og sama uppi á teningnum árið 2011.

Á fyrstu þremur mánuðum ársins sem er að líða hafa fjórir dæmdir menn lagt inn beiðni samdægurs, og þrír bæst við innan fjörutíu daga.

þannig að það er ekki svo að baldur sé að fá einhverja sérmeðferð?



Páll segir að Baldur fái ekki sérmeðferð. „Það fær enginn sérmeðferð hjá Fangelsismálastofnun. Ég hef ekkert svigrúm til þess, við höfum ekkert svigrúmtil þess, ná áhuga. Okkur ber að vinna eftir lögum og reglum, en ekki tíðaranda eða heift eða einhverju öðru," sagði Páll.