Hvetur konur til að vera stoltar af líkama sínum

Lady Gaga hefur heldur betur fengið að finna fyrir því undanfarið í kjölfar örlítillar þyngdaraukningar. Hefur hver önnur greinin birst um málið með óviðeigandi fyrirsögnum og myndum.

Gaga hefur ákveðið að snúa vörn í sókn og birti því mynd af sér á nærfötunum einum saman og segist vera stolt af sér eins og hún er.

Markmiðið með myndbirtingunni er að senda öllum konum þau skilaboð að þær eigi að vera stoltar af líkama sínum burt séð frá stærðinni eða þyngdinni.

Viðbrögðin létu ekki á sér standa en fjöldi kvenna hefur fylgt í fótspor söngkonunnar og birt myndir af sér á netinu.

Vægast sagt harður heimur þarna í Hollywood.