Brjáluð vegna brjóstamynda - ætla að höfða mál gegn Closer

Vilhjálmur Bretaprins og eiginkona hans, Katrín Middleton, hafa höfðað mál gegn franska tímaritinu Closer. Þetta staðfesti talsmaður kongunsfjölskyldunnar í kvöld.

Á ljósmyndum sem blaðið birti í dag má sjá Katrínu bera að ofan. Samkvæmt breskum fjölmiðlum er konungsfjölskyldan miður sín vegna ljósmyndanna. Þá sérstaklega í ljósi þess að franska pressan átti hlut að máli þegar móðir Vilhjálms, Díana Prinsessa, lést í bílslysi í París árið 1997.

Afar ólíklegt þykir að breskir fjölmiðlar muni birta ljósmyndirnar. Fregnir hafa þó borist af því að Closer hafi boðið breskum tímaritum myndirnar.

Myndina má sjá hér til hliðar.