Russell Crowe verður með tónleika á þremur stöðum á morgun

Russell Crowe og stórvinur hans Alan Doyle ætla að koma fram á þremur stöðum annað kvöld. Frá þessu greindi Crowe á Twitter núna í kvöld. „Það lítur út fyrir að við verðum með þrjár sýningar í Reykjavík annað kvöld. Ég tísti smáatriðum síðar," segir hann.

Vísir greindi frá því í morgun að Russell Crowe hefði greint frá áhuga sínum á því að halda tónleika á Menningarnótt. Hann sagði frá því síðar í dag að flóðbylgja af fyrirspurnum hefði borist eftir að hann sagði frá þessum áhuga sínum.

Útvarpsstöðin X-ið bauð þeim félögum að spila á tónleikunum hjá sér á morgun og virðist Crowe hafa tekið vel í það.