David Cameron forsætisráðherra Breta sendi Grikkjum tóninn frá leiðtogafundi Nato ríkja sem nú fer fram í Chicago í Bandaríkjunum. Cameron sagði í ræðu að Grikkir ættu aðeins tvo kosti í þingkosningunum sem fram fara að nýju þann sautjánda júní, að vera áfram aðilar að evrunni, eða hætta í samstarfinu.
Fréttaskýrendur segja að með þessu sé Cameron að gefa til kynna að Evrópusambandið hafi þegar hafi undirbúning þess að reka Grikki úr samstarfinu og að betri björgunarpakki en nú sé á borðinu standi Grikkjum ekki til boða.
Cameron setur Grikkjum úrslitakosti
