Samfylkingin samþykkir siðareglur

Flokksstjórn Samfylkingarinnar samþykkti siðareglur flokksins á flokkstjórnarfundi flokksins sem stendur nú yfir í Brauðgerðinni í Reykjavík.

Samþykkt siðareglnanna er enn einn áfanginn í umbótastarfi Samfylkingarinnar sem staðið hefur frá vordögum 2010.

Forsaga málsins er sú að starfsnefnd um siðareglur lagði fram tillögu að siðareglum Samfylkingarinnar á landsfundi flokksins í október. Landsfundur vísaði tillögunni til umfjöllunar í laganefnd landsfundar sem vísaði henni til flokksstjórnar til endanlegrar staðfestingar.

Flokkstjórn hefur nú staðfest reglurnar að áorðnum breytingum.