Páskagull verður tekinn til sölu í Vínbúðum

ÁTVR og Ölgerðin hafa komist að samkomulagi um sölu á bjórnum Páskagull. Í sameiginlegri tilkynningu kemur fram að merkingum á bjórnum verði breytt.

ÁTVR hafnaði upphaflega sölu á Páskagulli á þeim grundvelli að merkingum á bjórnum væri áfátt. Ölgerðin Egill Skallagrímsson leitaði álits hjá Heilbrigðiseftirliti Reykjavíkur.

Eftirlitið tekur undir athugasemdir ÁTVR um breyta þurfi merkingunum til samræmis við ákvæði laga um matvæli.

Ölgerðin Egill Skallagrímsson hefur því ákveðið að viðeigandi lagfæringar verði gerðar við næstu prentun umbúðanna.

„ÁTVR og Ölgerðin hafa í kjölfar þessarar niðurstöðu komist að samkomulagi um að bjórinn Páskagull verði tekinn til sölu í Vínbúðunum," í fréttatilkynningunni.