Ákvörðun um gæsluvarðhald tekin í dag

Lögreglan tekur ákvörðun um það síðar í dag hvort að krafist verði gæsluvarðahalds yfir karlmanni á áttræðisaldri sem handtekinn var í gær vegna sprengjumálsins.

Tæpar tvær vikur eru síðan að sprenging varð skammt frá Stjórnarráði Íslands og byggingar voru rýmdar á svæðinu. Lögregla hefur síðan þá leitað að þeim sem báru ábyrgð á sprengjunni. Hún birti meðal annars myndir úr eftirlitsmyndavél af karlmanni og bíl sem talið var að hann hefði verið á. Í gær voru þrír handteknir í tengslum við málið.

Tveimur var sleppt aftur en sá þriðji er enn í haldi lögreglu. Hann er karlmaður á áttræðisaldri. Lögregla lagði hald á ýmsan búnað sem talið er að tengist málinu svo og bíl hans. Ákveðið verður síðar í dag hvort að krafist verði gæsluvarðahalds yfir honum.

Í tilkynningu frá lögreglunni segir að fjölmargir hafi verið kallaðir til skýrslutöku vegna málsins undanfarna daga en unnið hafi verið sleitulaust að málinu frá því að kom upp.