Myndbönd af sprengjuvettvangi enn til rannsóknar

1. febrúar 2012 15:46

Enn er unnið úr myndböndum eftirlitsmyndavéla á Hverfisgötu og nágrenni vegna sprengju sem sprakk á Hverfisgötunni í gærmorgun.

Nokkuð af ábendingum hafa borist lögreglunni á höfuðborgarsvæðinu samkvæmt yfirlögregluþjóninum Friðriki Smára Björgvinssyni, og er verið að kanna þær ábendingar.

Enginn hefur verið handtekinn vegna málsins eins og fyrr hefur verið greint frá. Þá er sprengjan enn til rannsóknar.

Greint var frá því í fjölmiðlum í gær að kona hefði séð feitlaginn og lágvaxinn mann flýja vettvang á hvítri sendibifreið, eða skutlu, eins og hún orðaði það.

Tengdar fréttir

Ekki talin þörf á að rýma Stjórnarráðið en Hverfisgata 4 rýmd

Ríkisstjórn Íslands, sem setið hefur á fundi í Stjórnarráðshúsinu, hefur rætt við Ríkislögreglustjóra vegna ástandsins sem nú ríkir við Stjórnarráðið. Þar fannst torkennilegur hlutur sem talinn er vera sprengja eða leifar af sprengju.

31. janúar 2012 10:08

Ósáttir við seinagang - rannsaka ábendingar vegna sprengjumanns

Lögreglan á höfuðborgarsvæðinu rannsakar ábendingar sem þeim hafa borist og tengjast sprengju sem sprakk á Hverfisgötunni snemma í gærmorgun. Lögreglan verst allra frétta. Enginn hefur verið handtekinn vegna málsins og er sprengjan enn í rannsókn.

1. febrúar 2012 13:35

Búið að opna Hverfisgötu

Lokun á Hverfisgötu í Reykjavík hefur verið aflétt, en í morgun fannst þar torkennilegur hlutur, sem er talinn vera leifar af sprengju.

31. janúar 2012 13:16

Mikill viðbúnaður við Stjórnarráðið - tilkynnt um sprengju

Mikill viðbúnaður er við Stjórnarráðshúsið á Hverfisgötu en samkvæmt upplýsingum frá lögreglu barst tilkynning til þeirra um að hlutur hefði fundist sem gæti mögulega verið sprengja eða leifar af sprengju..

31. janúar 2012 09:30

Sprengjuógn við Hverfisgötu - atburðarásin frá upphafi

Svo virðist sem sprengja hafi sprungið í portinu að Hverfisgötu 4, sem er fyrir aftan Stjórnaráð Íslands, um klukkan hálf átta í morgun. Óstaðfestar fregnir herma að það hafi verið starfsmaður ráðuneytisins sem heyrði sprenginguna.

31. janúar 2012 11:22

Myndskeið sem sýnir sprengjusveitina að störfum

Sprengjusveitir Landhelgisgæslunnar og sérsveitar Ríkislögreglustjóra sprengdu í morgun leifar af torkennilegum pakka sem virðist hafa sprungið fyrr um morguninn við Hverfisgötu 4. Gríðarlegur viðbúnaður var á staðnum og eins og sjá má á meðfylgjandi myndbandi var ítrustu varúðar gætt þegar hluturinn var gerður óvirkur.

31. janúar 2012 12:35

Vélmennið sprengdi torkennilega hlutinn

Sprengjuleitarvélmennið sem lögregla sendi á vettvang í morgun hefur nú sprengt hinn torkennilega hlut sem fannst við kjallarann að Hverfisgötu 4. Sjónarvottar á staðnum segja síðan að snemma í morgun hafi hvellur heyrst við húsið. Þetta fæst þó ekki staðfest hjá lögreglu.

31. janúar 2012 10:41

Vitna leitað vegna sprengjunnar sem sprakk

Lögreglan á höfuðborgarsvæðinu leitar vitna í tengslum við rannsókn hennar á sprengju sem fannst neðst við Hverfisgötu í Reykjavík í morgun. Aðili sem var á biðstöð fyrir strætisvagna neðst á Hverfisgötunni, fyrir klukkan sjö, er sérstaklega beðinn um að gefa sig fram. Aðrir, hvort sem þeir geta gefið upplýsingar um fólk eða ökutæki á þessu svæði á tímabilinu 6.30-7, eru einnig beðnir um að hafa samband við lögreglu í síma 444-1000 en upplýsingar má einnig senda í tölvupósti á netfangið abending@lrh.is. Sömuleiðis er hægt að koma nafnlausum ábendingum á framfæri í síma 800-5005.

31. janúar 2012 17:14