Mugison í bandarískum sjónvarpsþætti

Tónlistarmaðurinn Mugison er nú staddur í Denver í Bandaríkjunum á vegum flugfélagsins Icelandair sem mun hefja áætlunarflug þangað frá og með 10. maí á þessu ári.

Mugison hefur troðið upp í borginni við mikinn fögnuð heimamanna. Þá kom hann einnig fram með kokkinum Hákoni Má Örvarssyni á sjónvarpsstöð í borginni á dögunum. Hákon Már sýndi þar þáttastjórnandanum íslenskan mat á meðan Mugison spilaði ljúfa tóna.

Þegar Icelandair tilkynnti ákvörðun sína að fljúga til borgarinnar í september á síðasta ári var haldinn blaðamannafundur með ríkisstjóra Coloradofylkis og borgarstjóra Denver. Áætlunarflugið hefur fengið mikla athygli fjölmiðla í borginni.

Hægt er að sjá innslagið með því að smella hér.