Bíll varð alelda við Háskólann

Bíll varð alelda við Háskóla Íslands nú um eittleytið í dag. Töluverðan reyk lagði frá bílnum og sást hann alveg frá Miklubraut. Slökkviliðsmenn eru búnir að slökkva eldinn, en bíllinn er gerónýtur. Samkvæmt upplýsingum fréttastofu skemmdust nærliggjandi bílar líka. Ekki er vitað hvað olli því að það kviknaði í bílnum en eldsins mun fyrst hafa orðið vart undir vélarhlífinni.

Sé smellt á myndasafnið hér fyrir neðan sjást myndir sem Pétur Örn Pétursson og Friðrik Þór Halldórsson myndatökumaður tóku. Þær sýna hversu illa bíllinn brann.