Holumyndavél kemur sér vel

Vegfarendur sem fóru um reiðveginn sunnan Helgafells í Vestmannaeyjum á laugardag tóku eftir því að stór hola hafði myndast við veginn. Holan er efst á Heimaey; 200 metrum frá syðsta enda sprungunnar sem opnaðist í gosinu árið 1973.

Í dag er ætlunin að kanna holuna með myndavél sem annars er nýtt til að rannsaka lundaholur. Að því loknu verður henni lokað. Holan er tæpur metri í þvermál og um tveggja metra djúp þar sem hún þrengist en útilokað er að áætla hversu langt niður hún nær.- shá