Úrslit kosninganna í takti við skoðanakannanir

Úrslit kosninganna eru mjög í takt við skoðanakannanir sem birst hafa undanfarið.

Fjöldi skoðanakanna var birtur í aðdraganda kosninganna. Úrslit kosninganna er svipuð þeim sem skoðanakannanir haf síðustu daga spáð fyrir. Grétar Þór Eyþórsson prófessor í stjórnmálafræði segir það standa upp úr kosningabaráttuni hversu vel kannanirnar sögðu til um úrslitin.

„Það sýndi sig náttúrulega að skoðanakannanirnar voru að segja okkur þessa sögu allan tímann og allan júnímánuð. Á endanum munaði reyndar eitthvað aðeins meira heldur en þær höfðu sagt. Það fór náttúrulega í 20% mun sem er mjög öruggur sigur," segir Grétar Þór Eyþórsson.

Grétar segir ljóst að kannanir hafi mikið að segja.

„Við þurfum bara að fara að taka alvöru mark á þessum skoðanakönnunum. Þær hafa nú oft verið gagnrýndar og dregnar í efa. Sérstaklega af þeim sem koma ekki nógu vel út úr þeim. En við þurfum að fara að taka meira mark á því sem þær eru að segja okkur. Síðan er svo aftur annað mál hvort þær séu ekki skoðanamyndandi og það er annar handleggur," segir Grétar Þór.

Hvort þær hafi áhrif þá á hvað fólk kýs?

„Já það getur gert það. Fólk náttúrulega getur kosið taktískt og þá er verið að hugsa málin út frá niðurstöðum kannana," segir Grétar Þór að lokum.