Afganar taka við föngunum

Afgönsk stjórnvöld tóku í gær við umsjón hins umdeilda Bagram-fangelsis úr hendi Bandaríkjahers.

Jafnframt tóku afgönsk stjórnvöld við þeim þúsundum fanga sem sitja í fangelsinu. Einkum eru það talíbanar og aðrir sem grunaðir eru um aðild að hryðjuverkastarfsemi. Hamid Karzai forseti segir afhendingu fangelsisins vera sigur fyrir fullveldi Afganistans. Bandaríkjamenn halda þó áfram lítilli álmu í fangelsinu þar sem þeir ætla að hafa nokkra tugi fanga áfram í sinni vörslu.- gb