Stakk fingri fyrirvaralaust inn í endaþarm - gæsluvarðhaldi hafnað

Hæstiréttur Íslands hafnaði gæsluvarðhaldskröfu lögreglustjórans á höfuðborgarsvæðinu yfir leigubílastjóra í afleysingum sem stakk fingri fyrirvaralaust upp í endaþarm stúlku sem var að pissa úti.

Atburðurinn átti sér stað í byrjun maí. Stúlkan var að pissa þegar maðurinn rak fyrirvaralaust fingur inn í endaþarm hennar.

Hafi hún “hrokkið” undan manninum, eins og greinir frá í úrskurðinum, og kemur einnig fram að hann hafi hlegið og haft sig á brott.

Hún hafi strax farið til vina sinna sem hafi verið skammt frá og sagt þeim frá því sem hafi gerst. Hafi hún sagst finna fyrir eymslum í endaþarmi eftir atvikið.

Maðurinn náðist á myndbandsupptöku eftirlitsmyndavéla og var hann handtekinn af lögreglu skömmu síðar í iðnaðarhúsnæði á höfuðborgarsvæðinu.

Maðurinn játaði við yfirheyrslur að hafa sett tvo fingur í leggöng stúlkunnar. Hann útskýrði athæfi sitt þannig að hann hefði séð hana og „ákveðið að káfa aðeins á henni“ eins og segir í úrskurðinum.

Aðspurður kvaðst maðurinn hafa „viðurstyggð“ á athæfi sínu og um „fíflaskap“ hafi verið að ræða og „eitthvað langt út fyrir það.“

Maðurinn segist ekki hafa verið undir áhrifum áfengis eða fíkniefna. Hann sagðist vinna sem iðnaðarmaður og leigubílstjóri í afleysingum.

Í úrskurði Héraðsdóms Reykjavíkur, sem Hæstiréttur staðfesti, sagði: Þegar litið er til málsatvika er hins vegar ekki fullnægt því skilyrði ákvæðisins að brotið sé þess eðlis að nauðsynlegt sé með tilliti til almannahagsmuna að kærði sæti gæsluvarðhaldi.“

Var kröfunni því hafnað.