Klose: Þýskaland er með besta lið Evrópu

Miroslav Klose segir að Þýskaland sé með nógu gott lið til að vinna Evrópumeistaramótið í Póllandi og Úkraínu á næsta ári.

„Þetta þýska landslið er það besta í Evrópu," sagði hann en Spánn er núverandi heims- og Evrópumeistari. „Það er enginn vafi á því að við getum unnið EM á næsta ári."

Klose er nú á mála hjá Lazio á Ítalíu og hefur staðið sig vel. Hann hefur alls skorað sex mörk í tíu leikjum á tímabilinu til þessa.

Hann hefur skorað 62 mörk í 112 leikjum með þýska landsliðinu á ferlinum.