Innlent

María segir siðareglurnar vera þöggunartæki fyrir Davíð Þór

Jón Hákon Halldórsson skrifar
María Lilja Þrastardóttir og Davíð Þór Jónsson.
María Lilja Þrastardóttir og Davíð Þór Jónsson. Samsett mynd/Vísir.is
María Lilja Þrastardóttir, sem skrifaði umdeildan pistil um Davíð Þór Jónsson á vefinn Innihald.is, er hætt að skrifa á vefinn. Ritstjórn Innihalds tók í morgun út hinn umdeilda pistil hennar og bað hlutaðeigandi, bæði Davíð og Maríu Lilju, afsökunar á birtingu hans. Ástæðan er sú að siðanefnd vefsíðunnar komst að því að með pistlinum hafi María Lilja brotið siðareglur.

„Þetta er rosalega leiðinlegt að svona flottar siðareglur, sem voru settar gegn miðlum eins og Bleikt.is, hafi snúist í höndunum á þessum feminiska vef og þetta sé orðið einskonar þöggunartæki fyrir Davíð Þór og hans líka,“ segir María Lilja. 

María Lilja segir að siðanefndin hafi komist að þeirri niðurstöðu að hún hafi ekki fylgt eigin sannfæringu. „Ég veit ekki hvernig þau ná að álykta um mína eigin sannfæringu á hlutunum,“ segir María Lilja.

María Lilja ætlar að fara að skrifa fyrir Smuguna, nú þegar hún er hætt að skrifa fyrir Innihald.is.


Tengdar fréttir

María Lilja ætlar að svara Davíð í hádeginu

„Ég ætla að svara honum um hádegið,“ segir María Lilja Þrastardóttir, sem ritaði harðort bréf til Davíð Þórs Jónssonar, pistlahöfundar Fréttablaðsins, út af grein sem hann skrifaði í blaðið um helgina.

Davíð Þór beðinn afsökunar

Siðanefnd vefsíðunnar Innihald.is hefur komist að þeirri niðurstöðu að María Lilja Þrastardóttir hafi gerst brotleg við siðareglur vefsins þegar hún skrifaði opið bréf til Davíðs Þórs Jónssonar sem birtist á vefnum. Bréfið hefur nú verið tekið úr birtingu.

Davíð Þór biður Maríu afsökunar

Guðfræðingurinn og pistlahöfundurinn Davíð Þór Jónsson, hefur beðið Maríu Lilju Þrastardóttur afsökunar á að hafa hótað að stefna henni fyrir meiðyrði. María Lilja svaraði pistli Davíðs, sem var birtur í Fréttablaðinu um helgina, og þótti Davíð illa að sér vegið. Hann gaf henni því þrjá sólarhringa til þess að biðja sig afsökunar á ummælum eins og að hann hefði brenglað viðhorf til kynlífs og hefði ritstýrt klámbækling.

María Lilja svarar Davíð - og þar er enga afsökunarbeiðni að finna

“Það var aldeilis að pennaskríplið mitt strauk þér öfugum, það var þó ekki nema og, á þig voru bornar þungar sakir, ég gerði þér það náttúrlega alveg upp að hafa á nokkurn hátt ”hlutgert” konur í gamla dónablaðinu, sem ég efast ekki um að þú hafir stýrt af mikilli natni og náungakærleik,“ skrifar María Lilja Þrastardóttir í svarpistli sínum á vefnum Innihald.is.

Mest lesið


Fleiri fréttir

Sjá meira


×

Mest lesið