Innlent

Spaugstofan og Páll Óskar aðstoða Flugfélag Íslands

Boði Logason skrifar
Fyrirtæki innan Icelandair Group keðjunnar leggja mikið á sig til að vinna keppni sem fer fram á árshátíð félagsins þann 19. mars næstkomandi. Fyrirtækin hafa á undanförnum vikum búið til myndbönd en það myndband sem fær mesta áhorfið vinnur keppnina á árshátíðinni.

Flugfélag Íslands hefur nú búið til myndband en aðstandendur myndbandsins fengu meðlimi Spaugstofunnar í lið með sér og þá kemur Páll Óskar einnig fyrir í myndbandinu. Þemað á árshátíðinni verður einmitt „Eurovison og Gordjöss" og mun Páll Óskar halda uppi stuðinu á árshátíðinni.

Gróa Ásgeirsdóttir, hjá Flugfélagi Íslands, segir að mikil vinna hafi verið lögð í myndbandið. „Það er mikil stemming fyrir árshátíðinni, þetta verður spennandi," segir hún og er sigurviss. „Við ætlum að vinna þessa keppni."

Hægt er að horfa á þetta hressa og skemmtilega myndbandi með því að smella á hlekkinn hér að ofan.

Og hér fyrir neðan er myndband Icelandair, sem var gert fyrir árshátíðina.


Tengdar fréttir

Árshátíðarmyndbandi Icelandair líkt við Twilight Zone

Forsvarsmenn erlendu ferðasíðunnar Gadling misskilja heldur betur nýtt myndband sem gert var fyrir árshátíð Icelandair og halda að þar sé um að ræða kynningu á nýjum búningum flugfélagsins. Yfirskrift umfjöllunarinnar á Gadling er "Iceland Air introduces new crew uniforms - in the weirdest airline video ever" sem á íslensku útleggst sem "Icelandair kynnir nýja einkennisbúninga í furðulegasta flugmyndbandi sem gert hefur verið." "Getið þið ímyndað ykkur að United Airlines eða Delta gerði svona skemmtilegt myndband?“ er spurt á Gadling. Þeim finnst myndbandið þó heldur furðulegt og ganga svo langt að líkja því við Twilight Zone-flugmyndbanda. Smellið á tengilinn hér að ofan til að sjá myndbandið með eigin augum.

Mest lesið


Fleiri fréttir

Sjá meira


×

Mest lesið