Safn opnað á æskuheimili

Hollywood-leikarinn og ríkisstjórinn fyrrverandi Arnold Schwarzenegger hefur opnað nýtt safn tileinkað honum sjálfum á æskuheimili hans í bænum Thal í Austurríki.

„Vonandi skilja allir þeir sem heimsækja safnið að hver sem er getur náð langt í lífinu á sinn hátt,“ sagði Schwarzenegger í viðtali við Reuters. „Verið hungruð! Ein fyrsta bíómyndin mín hét þessu nafni og þetta hefur alltaf verið mitt mottó. Þessi skilaboð ættu að fylgja þessu húsi.“

Schwarzenegger fæddist í Thal árið 1947 en fluttist til Bandaríkjanna þegar hann var 21 árs.