Draumabyrjun hjá Teiti og félögum í MLS-deildinni

Kanadíska liðið Vancouver Whitecaps lék í nótt sinn fyrsta leik í MLS-deildinni en Teitur Þórðarson þjálfar liðið eins og kunnugt er.

Það var mikið um dýrðir fyrir fyrsta leikinn sem var gegn Toronto og stemningin skilaði sínu því Whitecaps vann leikinn, 4-2.

Völlurinn var þétt setinn og körfuboltastjarnan Steve Nash, sem er einn af eigendum liðsins, var á svæðinu.

Draumabyrjun hjá Teiti og félögum og verður áhugavert að fylgjast með framhaldinu en undirbúningstímabilið gekk vel hjá liðinu.