Kaupmáttur launa minnkar

Launavísitalan hækkaði um 0,2 prósent milli mánaða í febrúar um leið og kaupmáttur dróst saman um 1,0 prósent. Hagstofa Íslands birti í fyrrdag vístölur launa og kaupmáttar.

Hækkun launavísitölunar er í umfjöllun Greiningar Íslandsbanka sögð vera í takti við þá þróun sem að jafnaði hafi verið síðasta árið að júní síðastliðnum undanskildum. Þá hækkaði vísitalan um rúm tvö prósent vegna kjarasamningsbundinna hækkana. 1,2 prósenta verðbólga milli janúar og febrúar varð til þess að kaupmáttur launa rýrnaði um 1,0 prósent. Er þetta í fyrsta sinn síðan í júní í fyrra sem kaupmáttur launa dregst saman á milli mánaða. - óká