Eldur aftur laus í Fukushima kjarnorkuverinu

Eldur varð laus í kjarnakljúfi 4 í Fukushima kjarnorkuverinu í nótt en þetta er í annað sinn á tveimur dögum sem eldur blossar upp í þessum kjarnkljúfi.

Samhliða þessu jókst geislavirkni verulega við kjarnorkuverið og því voru þeir 50 starfsmenn þess fluttir á brott í um klukkutíma en þeir hafa unnið við að kæla kjarnakljúfana og koma í veg fyrir að þeir bráðni.

Heldur dró síðan aftur úr geislavirkninni undir morgun að okkar tíma en hún er enn töluvert yfir hættumörkum.