Hópárás á Selfossi

Rúmlega tvítugur karlmaður kom á lögreglustöðina á Selfossi um hádegi á nýársdag og sagðist hafa orðið fyrir líkamsárás á milli klukkan hálf eitt og eitt á nýársnótt.

Hann var á gangi á móts við Suðurlandssól á Eyravegi þegar hópur drengja og stúlkna réðust á hann með höggum og spörkum. Árásarþolinn var nokkuð ölvaður og hann þekkti ekki þá sem réðust á hann.

Einhver vitni voru að árásinni og eru þau beðin hafa samband við lögreglu í síma 480 1010.

Sá sem varð fyrir árásinni leitaði til læknis er leið á morguninn en grunur er um að hann hafi nefbrotnað auk þess hlaut hann áverka á hné og handlegg.