Berlusconi keypti Ruby hjartaþjóf 13 sinnum

Samkvæmt málskjölum í komandi réttarhöldum yfir Silvio Berlusconi forsætisráðherra kemur fram að hann hafi greitt ólögráða stúlku alls 13 sinnum fyrir kynlífsþjónustu.

Stúlkan sem um ræðir kallar sig Ruby hjartaþjóf og er orðin heimsfræg eftir að málið komst í hámæli. Bæði Berlusconi og Ruby neita því að hafa sofið saman og Berlusconi segir sjálfur að hann sé svo gamall að hann hafi ekki haft þrek í allt þetta kynlíf.

Samkvæmt skjölunum voru 33 stúlkur keyptar til að vera í kynsvallsveislum Berlusconi á tveggja mánaða tímabili.