Best að fjárfesta í Bordeaux

Öruggasta leiðin til þess að fjárfesta í rauðnvíni er að kaupa Bordeaux vín segir Ólafur Örn Ólafsson, forseti vínþjónasamtaka Íslands.

Íslendingur vann 50 milljónir í Víkingalottói í gær. Vísir leitaði viðbragða hjá Vilhjálmi Bjarnasyni, lektor í viðskiptafræði við HÍ, og spurði hann hvernig best væri að fjárfesta þegar manni áskotnast svo mikill peningur. Vilhjálmur sagði að besta fjárfestingin um þessar mundir væri í rauðvíni og benti á að það væri neikvæð ávöxtun á sparireikningum þar sem það væri ofurálagning á sparifé. Slíkir skattar gilda þó ekki um rauðvín sem myndi þá um leið verða öruggasta sparnaðarleiðin.

Ólafur Örn segir að ef menn ætli að fara að ráðum Vilhjálms, en hafi ekki mikla þekkingu á víni sé öruggast að kaupa Bordeaux vín og geyma það í 10-20 ár. „En þá þarf að hitta á réttu árgangana. 2005, 2009 og 2010 eru þeir þrír síðustu sem eru alveg í toppi," segir Ólafur Örn.

„Það er setið um þetta og þetta er selt á uppboðum þannig að verðið hækkar alltaf eftir því sem lengra er liðið síðan þetta er komið út,"