Í Póllandi eru fæstir erlendir

Einungis 0,1% íbúa Póllands eru útlendingar. Þetta er lægsta hlutfall allra EES-ríkja sem hafa viðlíka tölur á takteinum fyrir árið 2010. Þetta má lesa í nýrri skýrslu frá Hagstofu ESB.

Á Íslandi er hlutfall útlendinga 6,8%, svipað og í ESB-ríkjum.

Skýrslan greinir milli útlendinga frá öðrum EES-ríkjum og útlendinga úr ríkjum utan EES.

Á Íslandi koma 1,4% íbúa frá ríkjum utan EES, en 5,4% frá EES-ríkjum. Þessu er öfugt farið í ESB-ríkjunum, þar sem útlendingar utan EES-ríkja eru nær tvöfalt fleiri en þeir sem eru frá öðrum EES-ríkjum. - kóþ