Önnur umræða um stjórnlagaráð á morgun

Allsherjarnefnd afgreiddi í morgun stjórnlagaráðsfrumvarpið út úr nefnd og mun það væntanlega koma til annarar umræðu á morgun, segir Róbert Marshall, formaður nefndarinnar.

„Niðurstaðan er sú að þarna er fær leið sem verið er að fara og stangast ekki á við stjórnarskrá. Og það er pólitískur vilji til að gera þetta," segir Róbert í samtali við Vísi.

Fulltrúar Samfylkingarinnar, VG og Hreyfingarinnar í nefndinni styðja tillöguna en sjálfstæðismenn og framsóknarmenn leggjast gegn henni.

Eins og greint hefur verið frá gengur tillagan út á það að Alþingi kýs fulltrúana sem urðu efstir í kosningunni til stjórnlagaþings í sérstakt stjórnlagaráð.