Skotárás í Kaupmannahöfn: Einn látinn og tveir slasaðir

Nítján ára gamall maður var skotinn til bana og tveir eru sárir eftir skotárás í Husum, úthverfi Kaupmannahafnar í gærkvöldi. Að sögn lögreglu keyrði svartur lúxusbíll, sennilega af Audi gerð, upp að fjórum ungum mönnum stem stóðu á gangstétt. Skyndilega stöðvaði bíllinn og farþegarnir hefja skothríð á  mennina fjóra með sjálfvirkum byssum.

Þrír þeirra urðu fyrir skotum og lést einn samstundis. Hinir slösuðu eru ekki í lífshættu. Skömmu síðar fannst bíll brunninn til kaldra kola og rannsakar lögregla nú hvort um sama bíl sé að ræða. Talið er að um enhverskonar uppgjör glæpagengja hafi verið að ræða.