Tap í fyrsta leik hjá Guðlaugi með Hibernian

Guðlaugur Victor Pálsson lék allan leikinn í tapi 3-0 tapi Hibernian gegn Dundee United í skosku úrvalsdeildinni í dag. Þetta var fyrsti leikur Guðlaugs fyrir Hibernina en hann gekk til liðs við skoska liðið í vikunni á frjálsri sölu frá Liverpool.

Jon Daly, Craig Conway og Johnny Russel skoruðu mörk Dundee sem með sigrinum komst í 6. sæti skosku úrvalsdeildarinnar. Hiberninan er í harðri fallbaráttu en liðið er í 11. sæti af tólf eftir 23 leiki með 16 stig.

Guðlaugur Victor lék á miðjunni hjá Hibernina í dag. Næsti leikur liðsins er gegn St. Mirren á miðvikudagskvöld og verður það fyrsti leikur Guðlaugs á heimavelli.