Charlie Sheen rekinn úr Two And A Half Men

Kvikmyndaframleiðandinn Warner Bros. hefur rekið leikarann Charlie Sheen úr sjónvarpsþáttunum Two And A Half Men.

Í yfirlýsingu frá kvikmyndaframleiðandanum segir að eftir vandlega skoðun hafi verið ákveðið að rifta samningi við leikarann. Ekki er tekið fram í yfirlýsingunni hvort að annar leikari verði fenginn í hlutverk Charlies eða þeim alveg hætt.

Eins og fram hefur komið í fjölmiðlum þá hefur Charlie kannski ekki alveg verið sá stilltasti í Hollywood en hann hefur haldið mörg partý þar sem klámstjörnur og kókaín koma fyrir.

Hermt er að Charlie Sheen fái um 145 milljón króna fyrir hvern þátt, eða 1,25 milljón dollara.

Charlie Sheen sagði við fjölmiðla þegar leitað var eftir viðbrögðum frá honum að hann ætlaði í mál við kvikmyndaframleiðandann. „Þið viljið fara í stríð, förum í stríð. Ég vona að þið séuð með afsökunarbeiðni tilbúna, ég vona að þið séuð að skrifa hana núna," sagði leikarinn fjörugi.