Herjólfur siglir til Þorlákshafnar

Herjólfur mun sigla til Þorlákshafnar fram til miðvikudagsins 23. nóvember næstkomandi. Ástæðan er ónógt dýpi í Landeyjahöfn og óhagstæð ölduspá næstu viku, samkvæmt upplýsingum frá rekstrarstjóra Herjólfs.

Brottför frá Vestmannaeyjum kl 8:00 og 15:30.

Brottför frá Þorlákshöfn kl 11:45 og 19:15.

Tekið er fram að aðstæður geti breyst hratt og við þeim verði brugðist og tilkynningar sendar út ef breytingar verða. Farþegar eru beðnir um að fylgjast með fréttum á herjolfur.is, facebooksíðu Herjólfs og síðu 415 í Textavarpi.