Zidane gæti hugsað sér að þjálfa landslið Frakka

Zinedine Zidane, yfirmaður íþróttamála hjá Real Madrid og fyrrum landsliðshetja Frakka, getur vel hugsað sér að gerast einn daginn landsliðsþjálfari Frakklands.

Zidane lagði skóna á hilluna árið 2006 eftir úrslitaleik heimsmeistaramótsins í knattspyrnu gegn Ítalíu. Frakkland tapaði leiknum en Zidane fékk að líta rauða spjaldið í framlengingu eins og frægt er.

„Myndi ég vilja þjálfa franska landsliðið? Af hverju ekki? Það væri ekki svo slæmt og er allt hægt í þessu lífi,“ sagði Zidane í samtali við franska fjölmiðla í gær.

Laurent Blanc er núverandi landsliðsþjálfari Frakklands sem er í efsta sæti D-riðils í undankeppni EM 2012. Liðið þarf fjögur stig úr síðustu tveimur leikjum sínum í riðlinum til að tryggja sæti sitt í úrslitakeppninni.