Æðarkolla hrapaði til jarðar í miðri flugeldasýningu

Gestum, sem fylgdust með flugeldasýningunni á fjölskylduhátíðinni í Vogum af bílastæði við Stóru-Vogaskóla í gærkvöldi, brá heldur í brún þegar stór dökkur hlutur kom fljúgandi og harpaði til jarðar.

Þegar gestirnir fóru að skoða hvað það var sem hrapaði til jarðarinnar kom í ljós að þetta var æðarkolla sem hafði fatast í flugi í öllum látunum og skall með látum á þak skólans. Frá þessu er greint á vef Víkurfrétta.

Fuglinn var með lífsmarki og var björgunarsveitinni tilkynnt um hrapið og ætluðu þeir að kanna ástand fuglsins.