Björgunaræfingar á Faxaflóa

Það var mikið um að vera á Faxaflóanum í dag þegar Landhelgisgæslan og áhöfn danska varðskipsins Knud Rasmussen æfðu björgunaraðgerðir.

Fyrri hluti æfingarinnar fór fram síðdegis í gær, en þá tók björgunarskip Slysavarnarfélagsins Landsbjargar að sér að leika skip sem þarfnaðist aðstoðar vegna eldsvoða um borð og var danska varðskipið kallað til aðstoðar.

Í dag æfði þyrla Landhelgisgæslunnar með skipverjum. Æfingarnar eru liður í lokaprófi tilvonandi skipstjóra varðskipsins og eru eftirlitsmenn frá Danmörku með í för til að meta hæfni hennar.

Verkefni skipa á borð við Knud Rasmussen eru aðallega fólgin í eftirliti með langhelgi Dana, og segir Per Frank Hansen yfirmaður hjá danska sjóhernum segir að aðstæður hér og hið víðfræga íslenska blíðviðri henti einstaklega vel til æfinga.