Veigar Páll góður í 2-1 sigri Stabæk gegn Rosenborg

Ole Gunnar Solskjær og lærisveinar hans í Molde halda sínu striki í norsku úrvalsdeildinni í fóbolta. Molde er á toppi deildarinnar eftir 3-1 sigur í dag gegn Haugesund. Veigar Páll Gunnarsson var atkvæðamikill í 2-1 sigri Stabæk gegn meistaraliði Rosenborg en Veigar hefur verið sterklega orðaður við Rosenborg að undanförnu. Stabæk er í sjötta sæti með 23 stig en Molde er með 32 stig eftir 16 umferðir.

Veigar Páll lagði upp fyrra mark Stabæk í leiknum en Bjarni Ólafur Eiríksson og Pálmi Rafn Pálmason voru báðir í byrjunarliði Stabæk.

Birkir Bjarnason og Indriði Sigurðsson voru báðir í byrjunarliði Viking sem sigraði Aalesund 1-0 á heimavelli.