Elsti köttur Bretlands dáinn

Mischief, elsti köttur Bretlands, er dáinn þrjátíu ára að aldri.

Margir töldu hann vera elsta kött í heiminum en það hefur ekki fengið staðfest af heimsmetabók Guinness. Það er þó vitað að hann hafi verið sá elsti í Bretlandi en hann náði 136 kattaárum í aldri. Mischief dó aðeins nokkrum klukkutímum eftir veislu sem eigendur hans héldu í tilefni af þrjátíu ára afmælinu.

„Þetta er eins og að missa fjölskyldumeðlim - hann var með okkur svo lengi,“ segir eigandinn Chris Thorne sem hefur átt köttinn frá árinu 1982.

Mischief náði þó ekki að verða elsti köttur í heiminum því köttur af tegundinni Creme Puff varð þrjátíu og átta ára áður en hann lést fyrir nokkrum árum.