Innlent

Jón Gnarr segir ísbjarnardrápið vera sorglegt

Jón Hákon Halldórsson skrifar
Ísbjörninn var felldur í dag og fluttur til Reykjavíkur. Mynd/ Anton Brink.
Ísbjörninn var felldur í dag og fluttur til Reykjavíkur. Mynd/ Anton Brink.
Jón Gnarr borgarstjóri segir ísbjarnardrápið á Hornströndum í dag vera sorglegt. Eins og fram hefur komið var björninn sem sást við Hælavík felldur um miðjan dag í dag. Um var að ræða ungt dýr.

„Sem dýraverndunarsinna finnst mér sorglegt að þetta skuli ennþá vera okkar eina úrræði þegar ísbirnir ganga á land. Besti flokkurinn hefur opnað söfnunarsíðu með það að markmiði að safna peningum svo hægt verði að útbúa athvarf fyrir ísbirni sem hrekjast hingað," segir Jón Gnarr.

Hugmyndin er að birnirnir geti safnað kröftum í athvarfinu svo hægt sé að flytja þá aftur til sinna náttúrulegu heimkynna. Slóðin er reykjavikpolarbearproject.org.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.