Björgunarsveitamenn aðstoða slasaðan snjósleðamann

Björgunarsveitir Slysavarnafélagsins Landsbjargar á Austurlandi eru nú að sækja slasaðan snjósleðamann á Tröllafjall í Áreyjardal inn af Reyðarfirði. Á þessari stundu er ekki vitað um tildrög slyssins né hversu alvarleg meiðsli mannsins eru.

Björgunarsveitamenn, ásamt lækni, eru komnir að manninum og búa hann til flutnings. Gert er ráð fyrir að hann verði settur á börur og borinn niður af fjallinu. Vélsleðar með aftanísleða er flutt geta sjúkrabörur eru á leið til móts við göngumennina.